iHamdy

الخميس، 1 سبتمبر، 2011

مايكل نبيل

8:46 م |

مرسلة بواسطة Hamdy |

تحرير الرسالة

مايكل نبيل سند : بلوجر وناشط
واخد حكم محكمة عسكرية علشان قال رايه علي الموقع الشخصي بتاعه وده اللينك بتاعه.
انا ضد ان مايكل يتحاكم حكم عسكري علي الرغم اني مش بطيقه ولا بطيق افكاره اللي انت ممكن تشوفها علي الموقع بتاعه .
هو قال رايه وقال انو مؤيد لاسرائيل يبقي يتحاكم محاكمة مدنية مش عسكرية .. اومال فين الديموقراطية والحرية اللي ثورة 25 يناير قامت علشانهم ؟؟
انت مع او ضد افكار مايكل نبيل لازم تكون رافض محاكمته عسكريا لان ده لو حصل معناه انك لو قولت رايك بصراحة في يوم من الايام هتتحاكم انت كمان محاكمة عسكرية .. ومين يرضي غي نفسه كده ؟

يا ريت اللي يقرا يقولي رايه ايه ؟

0 التعليقات

الأحد، 26 يونيو، 2011

سنة اولي تدوين

10:14 ص |

مرسلة بواسطة Hamdy |

تحرير الرسالة

امبارح كان عيد ميلاد المدونة الاول .. كنت مخطط اني اكتب البوست ده امبارح بس ظروف الماتشات احالت دون ذلك وبالمناسبة مبروك للاهلاوية وهارد لك للزمالكاوية ..

ثمار اول سنة تدوين :

التجربة حلوة اوي علي الرغم اني مش بكتب كتير لكن كون ان ليك مساحة تقدر تقول فيها اللي انت عايزو حاجة حلوة اوي
اتعرفت علي ناس زي الفل من خلال متابعتي ليهم ومن خلال يوم اسكندرية اللي اتجمع فيها ناس من القاهرة وناس من اسكندرية
قبل التدوين كانت اهتماماتي متمركزة علي مجال شغلي لكن بعد كده اهتميت بحاجات تانية كتير

اتمني ان الفترة الجاية تكون احسن واقدر اكتب كتير ..

اشكركم علي وقتكم ..

2 التعليقات

الخميس، 9 ديسمبر، 2010

إتبسط .. اوي

12:36 م |

مرسلة بواسطة Hamdy |

تحرير الرسالة

المقال ده بتاع عمرو سلامة .. بجد تحفة عجبني اوي .. عجبتني الفكرة قولت اشارككم بيها ..

هو ببساطة بيقولك ازاي تبقي مبسوط بشتي الطرق ومفيش حاجة تضايقك مهما كانت ولو متضايق اعمل اي حاجة مختلفة او مطرقعة او مجنونة المهم النتيجة في الاخر انك تكون مبسوط ....... اسيبكم مع المقال

إشتري علبة شوكولاتة مستوردة غالية و كلها.

بص على بنت حلوة و إعرف أنها لو عرفتك كويس أكيد هتحبك.

إلعب لعبة مالعبتهاش من و إنت صغير.

إعرق و إنهج و حس إنك عايش.

إطفي نور أودتك شغل التكييف إسمع أكثر مزيكا بتحبها و إسرح معاها.

بص لأهلك و عرفهم قد إيه بتحبهم.

بص للي تحتك و إعرف قيمة كل حاجة معاك.

بص للي فوقيك و إعرف إن رغبتك إنك تبقى زيهم هي اللي مدية طعم لحياتك.

إستمتع بشمس الصيف.. بصلها و قولها إنك مش كارهها.. حتى لو عرقتك و لزقتك..

روح أقعد على البحر.. دخل رجليك في الرمل.. و خرجها.. بطل تفكير.. و إبدأ حس..

في الشتا إنزل تحت البطانية و حط كوباية الشوكولاتة السخنة جمبك.. إبتسم و غمض عينيك و نام.

إشتغل لحد ما تحس إنك مت.. نام ثاني و إشحن و روح موت نفسك ثاني.. وإعرف إنك زودت حاجة للدنيا ماحدش كان هيزودها غيرك.

إعرف إنك كائن مهم و في كل لحظة بتغير إتجاه التاريخ.

بص لشحات واقف جمبك.. ماتديلوش ولا نكلة.. بس سلم عليه و إضحكله و قوله “عامل إيه؟ تمام؟”

سلم على واحد صاحبك و خدوا بالحضن.. و زود مدة الحضن ثانية زيادة.. هتقوله حاجات كثير.. – بس إتأكد إن نيته مش وسخة و إنه عارف إنك “مستقيم” –

بص لبنت مغرورة و إضحك من جواك.

بص لبنت وحشة و عاكسها بنظراتك و إعرف إنها هترجع البيت مبسوطة.

بدون سبب إبعت رسالة لأي حد بتحبه قوله حاجة حلوة.

إفتح شباك العربية و إطلع على طريق سريع خلي الهوا “يطس” في وشك.. صرخ.. بس إتأكد إنك مش داخل على لجنة و إنك لوحدك و مافيش حد تعرفه في العربيات اللي حوليك.

إضربها جزمة.

خلى اللي يكره يكره و اللي يشتم يشتم وإعرف إنهم مضيعين وقتهم.

إتأكد إنك لو عارف إنك هتموت بكرة هتعمل نفس اللي بتعمله دلوقتي.

حب جامد قوي حتى لو حبك مش هيستمر لحد بليل.

كل أكلة حلوة قوي.. بس ماتخليهاش تشبعك.

إشرب مشروب دخلت المطبخ و إخترعته و لو ماعجبكش إرميه في الحوض و إنزل إشرب حاجة ثانية بتحبها.

ماتشربش شيشة أو سجاير.. إشرب الهوا.. إستمتع بيه.. مش هتعرف قيمته إلا لو خلوا الهوا بفلوس.. ساعتها هتستمع بيه كأنه سيجارة حشيش مغربي.

بطل خمرة و مخدرات.. و إتعلم إزاي تستمتع بحتى أوحش الحاجات حوليك.

أكسب نفسك و حب حد بيكرهك.

إكسب نفسك ثاني و حب حد بتكرهه.

إكسب نفسك ثاني و إنسى حد لسه بتحبه من غير ما تكرهه.

إتفرج على ماتش كورة لفرقتين ماتعرفهمش و شجع واحد فيهم قوي.. قوي.. حتى لو كان بيلعب زي الزمالك.

إنزل شجع مع الزملكاوية لما يكسبوا.. حتى لو إنت مش زملكاوي.

إقرا الكلام ده من غير ماتعلق عليه و لو مش عاجبك بطل قراية.

شوف فيلم الكيف و ماتتفرجش على آخر ربع ساعة فيه.

إتفرج على الناظر من أول ما بيظهر محمد سعد.

لما تقابل واحد مش فاكر إسمه و مش بتسلم عليه عادة خده بالحضن و قوله واحشني جدا يا معلم..

إقرا كتاب عن موضوع معقد مانتاش فاهمة و بعدها إنزل مع صحابك.. هتتبسط قوي.

جرب أكلة جديدة في مطعم فخم.. ثمنها يخرب بيتك.. و روح و إنت مبسوط.

شد مع عربية سيات.

إلبس أحلى لبس عندك و إنزل إمشي في الشارع و إنت فارد ظهرك.. و ماتحطش إيديك في جيبك خليهم أحرار.

إشتري ورد لواحدة تعرفها عادي.. و قولها أصلك زي أختي و بعزك قوي.. هتتجنن.

إرقص حتى لو في أودتك و إنت قافلها بالمفتاح.. ممكن تغني كمان و إنت ماسك الفرشة على إنها ميكروفون.

إفتكر قبل ما تنام كل الكلام الحلو اللي سمعت الناس بتقوله عنك.

كل ما تلاقي حد بيحكي عن مشكلة دورله عن الجانب المشرق فيها.. مهما كانت عويصة.. طلعله فيها فوايد و باركله.

كل ما حد يقولك إزيك عامل إيه؟ قوله الحمد لله مبسوط قوي.. قولها بسرعة من غير ماتفكر و إبتسم.. لوحدك هتتبسط فعلا.

شوف إيه أكبر مشكلة في حياتك.. فكر في أسوأ حاجة ممكن تحصل بسببها و هتلاقيها مش هتموتك و هتفضل برضه في الآخر فوق الأرض مش تحتها و إن الدنيا هتمشي و إحمد ربنا.

فكر في الموت كويس.. و إعرف إنه لسة ماجاش و إعرف إنه قبل ما ييجي لازم تعمل كل اللي نفسك فيه.. و لازم تتبسط و ماتضيعش لحظة مدايق مهما كان السبب.

سافر حتة ماروحتهاش قبل كده.. صورها و صور نفسك فيها.. صلي فيها.. أو بوس أرضها.. أو خد منها تذكار و إرجع ثاني نام على سريرك و عرفه إنه وحشك.

إستحمى في نص ساعة.. خلى المية تنزل على وشك و إسمع صوتها كويس.

جيب لنفسك هدية و إستنى لحد عيد ميلادك و إديها لنفسك.

جيب هدية لحد بتحبه من غير مناسبة.. و إديهاله في عدم إهتمام كأنك ماعملتش حاجة غريبة.

إنزل من بيتك بشبشب و شورت من غير ماتسرح شعرك.. و إتأكد من جواك إنه عادي جدا.. أنا مش مهتم.. و خليك واثق من نفسك.

إشرب مية كثير.

ماتغضبش مهما حصل.

أشكر كل الناس بسبب و من غير سبب.

لو حد إتريق عليك إضحك.. حتى لو من جواك بتضحك عليه.

لو حد شتمك حط ده في تانك البنزين بتاعك علشان يبقى طاقة تحركك لقدام.

لو الناس بعدت عنك إعرف لأنكم مش زي بعض.. لا هما وحشين و لا إنت وحش.. إنتم بس مش زي بعض.. و إتبسط إنك مش بتضيع وقتك معاهم.

لو لقيت نفسك لوحدك شوية ده معناه إنك فريد و نادر من نوعك.. و مين في الدنيا يقول إن نوعك غلط أو وحش.. بس إنت تقدر تتأكد إن ده النوع المناسب ليك.. و إتبسط بيه.. و لو نفسك تغيره غيره.. مافيش حاجة بتلزق حتى إسمك و دينك.

بص لإمبارح.. و شوف إتعلمت منه قد إيه..

خطط لبكره بس إوعى تخاف منه .. إزاي تخاف من حاجة إنت اللي بتبنيها أصلا.. حاجة لسة ماحصلتش و ماحدش في الدنيا يقدر يعرف إيه اللي هيحصل فيها..

إستمتع بالنهاردة كويس.. لأن كل نهاردة هيبقى إمبارح بتاع بكرة زي ما كان بكرة بتاع إمبارح..

إسمع أغنية مدحت صالح وانا ويايا بعيش زي المليونيرات و شوفها على اليو تيوب و إضحك منها أو عليها.. بس في الحالتين هتضحك.

لما حد يحكيلك حاجة مملة علشان يبين مواهبه في الحياة إعمل نفسك متهم آخر حاجة و لما يخلص إعمل نفسك منبهر آخر حاجة برضه.. و كمان إسأله عن تكملة الحكاية.. بس ماتعملش كده كثير.. مرة كل فين و فين..

إفتكر أيام لما كنت بتصحى بدري علشان المدرسة.. و لما كنت بتذاكر فيزيا أو تاريخ.. و أهلك مانعينك من النزول و إتبسط إن ده كله خلص و مش راجع ثاني.

إتبسط.. و لو مش عايز تتبسط.. مش هتعرف تعكنن عليا.

لإن أنا مبسوط.

6 التعليقات

السبت، 30 أكتوبر، 2010

إلي حبيبة ....

1:13 م |

مرسلة بواسطة Hamdy |

تحرير الرسالة

أريد أن أجد حبيباً

لا أفترق عنه أبد الدهر.

حين تُسوّى الجبال بالأرض

ويتكدّس الثلج في الصيف، ويقصف الرعد في الشتاء،

وحين تلتصق الأرض بالسماوات

حينذاك فقط، نفترق أيها الحبيب .

إلي حبيبة المستقبل ......................

26 التعليقات

الجمعة، 15 أكتوبر، 2010

مصر النهاردة ....

6:20 م |

مرسلة بواسطة Hamdy |

تحرير الرسالة

انتابني شعور سيء وانا بشوف الفيديو اللي انتشر علي الفيس بوك واليوتيوب منذ ايام والذي تستضيف فيه الاعلامية مني الشرقاوي الدكتورة نادية رضوان أستاذ علم الاجتماع جامعة بورسعيد و الدكتور جمال مختا ر خبير المعلومات والشبكات الاليكترونية، مؤلف كتاب "هل الفيس بوك عدو أم صديق" في البرنامج الشهير "مصر النهاردة" "البيت بيتك سابقا"

"موضوع الحلقة كان عن مزايا وعيوب الفيس بوك"

انا اكتشفت فعلا ان مصر فيها 80 مليون بس بين قوسين 80 مليون مفتي ..... مفيش حد بيقول معرفش لا كل واحد بيقول اي كلام في اي كلام المهم انه يقول ويثبت ذاته في الحياة انه بيعرف يتكلم .. من غير ما يتاكد ولو بنسبة واحد في المية ان كلامه صح ولا لا .

هاسيبكم للفيديو اللي جابلي الضغط وانا لسا في ريعان شبابي (وش حزين) .

ده لينك اول فيديو

http://www.youtube.com/watch?v=Vk8dT6SSVyI

وده التاني
http://www.youtube.com/watch?v=xWcst7HgqBc&feature=related

وده التالت

http://www.youtube.com/watch?v=fOkS_nu8u_k&feature=related

اتمني الناس ميكونش حصلها اللي حصلي :D

الست مني بتقول وانا طبعا هاديها لقب الست مني لان دي مينفعش تبقي مذيعة بعد السقطات اللي عملتها دي حتي لو كانت مجرد مذيعة بتقول اللي معد البرنامج عمله دي ميمنعش انها تبقي اعقل منه لو هو مجنون :

1- الفيس بوك بيلم الناس في مجموعات تقول اللي في قلبها بصراحة وتلقائية شديدة جداً وحميمية (عندها حق)

2- الفيس بوك خلاهم يحطوا صورهم وصور أقاربهم، من غير ما يعرفوا اللي هيشوفها ده مين ومن أي دولة !! (شوفي ياختي ازاي) طبعا هي متعرفش حاجة عن البريفسي بوليسي او سياسة الخصوصية ..

3- الفيس بوك تبع شركة جوجل العالمية (الله اكبر.. اول مرة اعرف بصراحة).

4- وهو حجرة من حجيرات شركة جوجل وان جوجل دي شركة كبيرة جدا بتعتبر دولة داخل امريكا (كلام متنقي فعلا .. انا هاروح ارشح نفسي في دولة جوجل :D)

5- اللي بيحط صورة ويرجع يشيلها هي بتتشال من قدامو لكن هو ما يعرفش انها بتفضل موجودة عندهم فوق :D:D (يا عم فوق بقي )

بعد كده دخلت في نقاش مع الضيوف الكرام ..

والحاجة التانية بتقولها الفيس بوك انا زعلانه منه جدا (طب ما نصالحكم علي بعض) راحت مني قايلالها انا عمري ما دخلت علي الفيس بوك ده (طب ازاي بتنتقديه وانتي عمرك ما دخلتي عليه ) ودي سقطة اخري .

وبعدين دخلت مع الدكتور في حوار اخر كان هيودينا في داهية اما دخل في السياسة وغسيل الاموال (وش مستغرب ) والكورة (دكتور دكتور يعني)..

في الفيديو التاني فيه كلام عن 6 ابريل اللي هي حركة تخريبية والشات رومز والجروبز اللي اسرائيل بتتفرج علينا فيها وبنقول ايه عليها ..

بعد كده قال الدكتور اللذيذ ده احنا نعمل وصايا عشر للتعامل مع الفيس بوك (:D) (والله فكرة بردو).

بعد كده في الفيديو التالت مني بتقول ان الفيس بوك هيعمل تمويل مادي للمؤسسات اللي بتتعامل من خلال الفيس بوك (والله كويس انا هاتعامل انا كمان واخد التمويل ده)..

بمناسبة موضوع الناس اللي بتفتي دي كان حصلي حاجة ظريفة كده بتاكد بردو ان انا مينفعش اقول معرفش لا هاقول واللي يحصل يحصل

ايه هي بقي ؟؟

كنت رايح عزاء انا واتنين صحابي في عربية واحد صاحبي في مكان اول مرة نروحو المهم جينا في مكان مفترق طرق ومش عارفين نمشي شمال ولا يمين المهم لاقينا اتنين واقفين علي جنب كده فراح صاحبي سالهم لو سمحتوا هو منين يودي علي المكان الفلاني

وعينك ما تشوف الا النور !!

كل واحد ودا دراعه في مكان واحد قال شمال وواحد قال يمين علي الرغم انهم من المنطقة والمفروض انهم يكونوا عارفين وبالتالي يكونوا متفقين علي اتجاه واحد لكن لايمكن كل واحد لازم يعبر عن ذاته بطريقته :D

طبعا ساعتها كنا هنموت من الضحك وبعدين استنينا حد تالت يقولنا علي الطريق ويمكن تكون التالتة تابتة وكانت المفاجاة !!

الحد التالت قلنا علي طريق تالت خالص غير الاتنين الاولانيين :D

انتهي ..

26 التعليقات

الأربعاء، 13 أكتوبر، 2010

الفســــاد السيـــــاسى

11:48 م |

مرسلة بواسطة Hamdy |

تحرير الرسالة

ذات مرة سأل طفل والده : ما معنى "الفســــاد السيـــــاسى" ؟؟

فأجابه : لن اخبرك يابنى لأنه صعب ولكن .. دعنى اقرب لك الموضوع بمثال بسيط :-

انا اصرف علي البيت اذا انا امثل الرأسمالية ،،

امك تنظم شئون البيت لذلك فهى تمثل الحكومة ،،

انت يابنى تحت تصرفها اذا فأنت الشعب ،،

واخيك الصغير يمثل المستقبل ،،

اما الخادمة فهى تمثل الطبقة الكادحة.

والآن اذهب اذا وفكر لعلك تتوصل الى نتيجة.

فذهب الطفل و فى الليل لم يستطع ان ينام ..

فنهض من نومه قلقا على سماع بكاء اخيه الصغير..

فذهب ليخبر أمه..

فوجدها مستغرقة فى النوم ..

ولم تستيقظ ..

ولن تستيقظ!

فتعجب الطفل من ان والده ليس نائما بجوارها..

فذهب باحثا عن ابيه

فوجده فى غرفة الخادمة نائم معها!

و فى صباح اليوم التالى

ذهب الى والده وقال له : لقد عرفت معنى "الفســـــــــاد السيـــــــــاسى" يا ابى.

قال الوالد: وماذا عرفت؟

قال الطفل : عندما تلهو الرأسمالية بالقوى القادحة .. وتكون الحكومة نائمة فى سبات عميق .. فيصبح الشعب قلقا تائها مهملا تماما.. ويصبح المستقبل غارقا فى القذارة.

منقول..

2 التعليقات

السبت، 9 أكتوبر، 2010

إبراهيم عيسي (برما)..

3:41 م |

مرسلة بواسطة Hamdy |

تحرير الرسالة

مرت اربعة ايام علي رحيل ابراهيم عيسي عن الدستور .

اربعة ايام الدستور فيها ليس لها طعم ولا لون ولا رائحة ..

الكلام ده ليس حبا او عشقا في ابراهيم عيسي- اينعم انا بحترم رايه وجرئته الشديدة بس هو ليه سقطات دينية مش وقتها دلوقتي - ولكن كرها في النظام الذي يريد تحويل كل ما له صوت الي جماد لا يسمع ولا يري ولا يتكلم .

أبطال القصة :

1- ابراهيم عيسي : رئيس تحرير جريدة الدستور (سابقا)

2- السيد البدوي : المالك الجديد لجريدة الدستور ورئيس حزب الوفد (الحزب الوطني حاليا ) وصاحب قنوات الحياة الشهيرة .

3- رضا ادوارد الرئيس التنفيذي للجريدة وهو ايضا صاحب سلسلة مدراس شهيرة

4- من الناس اللي مش ظاهرة علنا ولكنه من ملاك الجريدة نجيب ساويرس رجل الاعمال المشهور (مش هاكتب بقي هو عنده ايه كلكو عارفين)

5- الدكتور احمد عز (ده بقي قصة لوحدو)

6- باقي الصحفيين في الجريدة

7- الجمهور (اللي زيي وزيك)

البداية :

قام السيد البدوي باقالة ابراهيم عيسي رئيس تحرير جريدة الدستور وذلك زعما منه ان ذلك بسبب :

1- إبراهيم عيسى غضب لأنهم خصموا من أجره – الذي كان رفعه السيد البدوي الي 72 الف – ثلاثة آلاف جنيه ونصف كضرائب .

2- ان الجريدة غير مربحة .

3- الجريدة لا تجتذب المعلنين وشرط المعلنين الاساسي هو عدم وجود ابراهيم عيسي .

اما رضا ادوارد فقد سبب الاقالة بالاضافة الي الاسباب السابقة ان ابراهيم يستخدم الفاظ نابية (مش عارف يعني ايه بس تقريبا حاجة وحشة ) في مقالاته .ومن هنا قال للصحفيين في الدستور لو حاول الرئيس مبارك واجتمع معه كل رؤساء العالم إقناعى بعودة إبراهيم عيسى لرئاسة تحرير الدستور سأرفض (طب ينفع اجي انا اجتمع معاك وناكل اكلة سي فود عن دنجل بتاع اسكنجرية ونحل المشكة ودي) .

اما ابراهيم عيسي فقال ان قرار الاقاله تم لاسباب سياسية بحته (بس للاسف مبحتوهاش في جواب ) وهي بسبب اعتراض إدوارد على نشر مقال للدكتور البرادعى (الراجل اللي من يوم ما جه وهو عامل ازمة ودوشة ) عن حرب اكتوبر وليس لاي اسباب مادية .

الراجل عنده حق يعني هيكون مرتبه 72 الف جونيه ويبص ل 3 الاف جونيه (ده كلام) ده حتي المثل بيقول لو اللي بيتكلم مجنون يكون اللي بيسمع اعقل منه .

النهاية :

الجميع يتحدث عن نية مبيتة لعزل إبراهيم عيسى منذ أن اشترى السيد البدوي صحيفة الدستور، الجميع يتكلم عن صفقة بين حزب الوفد وبين النظام الحاكم تتلخص في: عزل إبراهيم عيسى مقابل مقاعد في مجلس الشعب. الجميع متأكد أن المقصود هو إبراهيم عيسى فقط، فقد قدم السيد البدوي للمحررين عرضا سخيا، ثريا، غنيا، ليتنازلوا عن مطلبهم بإعادة إبراهيم عيسى رئيسا لتحريرهم (موقع الدستور).

وهذا هو المطلوب اثباته او هو ده اللي عايز اوصله ان النظام بيحاول يسكت كل من له صوت عال (علشان الدوشة بس والعيال تعرف تركز في مذاكرتها مش اكتر) . لكنهم ميعرفوش ان لو سكت صوت هيطلع وراه الف صوت والبادي اظلم

سؤال :
كل اللي بيحصل ده علشان يمشوا الراجل الغلبان يا عيني من الجريدة بعد ما مشوه من قناة ON TV وادعت القناة وقتها انه قرر التفرغ للجريدة التي تحتاج الي تطوير طب بعد ما ساب الجريدة هيتفرغ لايه بقي ..!!! حد يقولي ... هيتفرغ لايه ؟؟؟؟؟؟

5 التعليقات